تفاحة آدم

العين اتخون ..
آنه مجرب اعيوني ..
مرات الحلو ..
متشوفه كلش زين ..
وسمعي ايخون ..
من يسمع حچي بلا شوف ..
ميفرزن حچي الحلوات .. والحلوين ..
بس جربت گلبي ..
من يحب ايذوب ..
ويرف للي يحبه ..
بلهفة امعرسين ..
يا حلوة وحلاتچ ..
عافية واشواگ ..
رف گلبي عليچ ..
وانتي ماتدرين ..
يا تفاحة آدم ..
يمته گلبي ايهيد ..؟؟
وانتي الجنه يمچ ..
واحنه بالنارين ..
مجبور آني احبچ ..
مو بيدي مجبور ..
اظن ربچ عذر ..
كل ناس مجبورين ..
يل عينچ جزيرة ..
والرموش اسيوف ..
كتلتيني يحلوة ..
ابچي عالميتين ..
فرق بين اليحب ..
وما تحرگه النار ..
وفرق بين اليذوب ..
ابهمسه من تحچين ..
يا ماي الاريده ..
واشتريه بالروح ..
وانتي النهر يمچ ..
واحنه عطشانين ..
يل شوفچ عوافي ..
الگلب راح ايموت ..
عجب من ردت شوفچ ..
گمتي تتعذرين ..

_____________________________________
1                  2