البارحة

ضحكنه البارحة
وجيت أنت عالبال
وأحس ضاگ النفس
بيّ أو صحت أوف
أو على كل الوجوه
إلمحتك إخيال
مثل غرگان
تتراواله الجروف
أوياسرب الحمام
الدمع من سال
إبخجل من سما أخدودي
إتصيده الجفوف
متغيّر يعمري
أو حالك أشحال
وأمر منك هضمني
أو ريتك إتشوف
حزن بيّ حزن
موكلمة تنگال
وأهج من نار صحوي
البرد الطيوف
لچن حالي مثل
ميطيح خيال من
ظهر الفرس
لحضان السيوف
ولك مالت الدنيا
وگلبي مامال
هلبت من وفانه
أنحصد معروف