حايط

ولقد أسمعت لو ناديتَ حيّ .. ولكن لا حياة لمن تنادي
ولو نارا نفخت بها أضاءت     ولكن ..أنت تنفخ في رمادِ

 آنه ما گلّك چنت عايش أمير
بس بقيت إبعزتي من ضكني الوكت
خشب سيفي إمثلّم أو نصله گصير
أو گصت بيّه الباشطه أو ما دنّكت
الساتر الله لو جفن كلهن سوى
لكن إمن أندب علي الشدّه تهون
وألبس أحلى أثيابي وضحك للهوى
الناس ماتدري إشكلت يوم البطون
لا تكلة للنخله جنتي إنتي نوى
هسّه نخلة أو شوفها أو عندك إعيون
ما أگلّك صرت،أتمنه أصير
أو ما أضن عالغير يوم إتجاوزت
إشضارك بعد التعب ألبس حرير
هيّ سبّه أو من وراها أتعيّرت
آنه موگد جمر لتگلّي إنطفيت
من تهب ريح الشعر كلّي أشب
عالأبوذيّة أو حزن داخل ربيت
العاش وسط الهور عالمامش يحب
إهناك عدنه الحزن باني إبنصنه بيت
أو غير حب الناس ما عدنه ذنب
لو العندي إيصير ملك إيدك تطير
أو ماتدگ رجليك يوم إعله الأرض
ولو هذي إوياك صدّگ ماتصير
إسنين غبره أتريد مو صفنه ركض
أو يجتفني الخجل بالشين مارد
وأبد أبيض كلب وياك مارد
إشينسيني كلامك يوم مرّد
گلبي أو هذا مر إسبوع يدي
أچتفها غصب وتلوب يدي
إشتضن يدك سبگ بالطيب يدي
 

_______________________________________
1                   2