سلال الحزن

شحّت عَلي فرحتك.....وسلال حزن إتجود...
إتلاثين مرّن تعب....تنضح بساس الگلب...
وحصدت بس إ وعود......
رحلة إمن الأوّل غلط.....بيهه تبعتك طفل
وأدري الدرب مسدود......
أو مو مثل ليل البشر
ليلي مضه أبلا گمر
وهدومه كلش سود
صح إنت هم إتعبت
بس فرق جفنك غمض
أو جفني ‘بسهر مشدود
أو شتعوض إمن المضه
أوشتفيد زخة مطر
لو يبس هرش العود
الليل مجرا..صبح ...
والموت مجرا جرح
أو مجرى الدموع إخدود
وخدودك إمورّدة
ماضن جواهه الدمع
چا مثلي صاير عود